Strandloper 2 – ’n vervolgverhaal
120 episodes
Web <link> from RSS feed:
Database link:
RSS Feed:
https://rss.iono.fm/rss/chan/9159
Creator from RSS feed: Maroela Media
Database Creators: Maroela MediaSynopsis:
In “Strandloper 2” wag nuwe kinkels en onthullings in Bloubaai. Ná die dramatiese skote van die eerste reeks moet Dylan sy pad vorentoe vind. Mauritz staan voor ʼn lewensveranderende besluit, terwyl Nicolien se soektog na haar pa verdiep. Stefan delf verder in die geheimsinnige duikdood van Mauritz se pa, en Jack de Wet veroorsaak opnuut onmin. Te midde van die feestelikhede vir Afrikaans Amptelik 100 bars ʼn bom wat almal verstom, en die dorp skinder lustig voort. “Strandloper 2” is ʼn radiovervolgverhaal uit die pen van Bettie Kemp en Henriëtta Gryffenberg. Die verhaal van 120 episodes word deur Bettie, in samewerking met Maroela Media, vervaardig.
Language: Afrikaans
Format: Audio Drama
Continuity: Serial
Writing: Scripted
Voices: Full cast
Narrator: None
Genres: Soap opera
Framing device: None
Soundscape: Sound effects & music
Not tagged: [Maturity] [Country of origin] [Transcript]
Click here to update these tags.
Episodes:
Mon, 17 Feb 2025 12:39:00 +0200
Met Nicolien se terugkeer na Bloubaai kry sy ʼn getraumatiseerde Dylan in die hospitaal. Wie sit agter die skietvoorval waarin hy ernstig gewond is? Het dit iets met sy vriend Godfrey te doen wat ná ʼn mislukte perlemoenduik dood is? Nicolien en Willie is met rede bekommerd oor Dylan se situasie.
Tue, 18 Feb 2025 08:18:00 +0200
Engela hoor skokkende nuus by Tannie Ouvrou oor Visstok se ma, en dit gaan haar besluit oor Visstok se verloofring beïnvloed. Bobbi wil nie aanvaar dat Bloubaai nie onder die wendorpe vir die Afrikaans 100-fees is nie. Hoe gaan Dylan die slegte nuus oor die fees verwerk?
Wed, 19 Feb 2025 08:20:00 +0200
Mauritz kry ʼn groot verrassing. Willie ontbied vir Nicolien en Mauritz na die strand waar hulle iets sien wat nog nooit op Bloubaai gesien is nie en wat sosiale media aan die gons het.
Thu, 20 Feb 2025 04:30:00 +0200
Bobbi besoek Dylan in die hospitaal waar sy slegte nuus aan hom moet oordra. Dylan neem die hospitaal om al die verkeerde redes op horings. Bobbi is verras om Willie in die hospitaal se kafeteria te sien … Hy is inderhaas daarheen ontbied.
Fri, 21 Feb 2025 04:30:00 +0200
Oom Fred is steeds op een van sy onbekende missies in die Kaap. Tannie Ouvrou en Mauritz neem weer die gebeure van die skietery by Bobbi se troue in oënskou. Mauritz vertel haar van verdagte persone en ʼn motor wat albei onrustig maak.
Mon, 24 Feb 2025 04:30:00 +0200
Engela word deur almal gelukgewens met ʼn nuwe pos by Die Seekat, maar sy weet niks daarvan nie. Sit Jack agter alles? Willie en Engela se verhouding bereik ʼn laagtepunt. En daar’s vuurwarm nuus vir Bloubaai oor die Afrikaans 100-kompetisie.
Tue, 25 Feb 2025 04:30:00 +0200
Tannie Ouvrou en Nicolien besoek Dylan in die hospitaal, maar hoe is dit dan dat hy meer weet wat in Bloubaai aangaan as hulle? Die suster deel haar kommer oor ʼn onbekende geheimsinnige besoeker aan Dylan.
Wed, 26 Feb 2025 04:30:00 +0200
Nicolien en Mauritz se liefde blom op die strand. Mauritz vertel van sy groot planne, maar sluit dit Nicolien in? Willie praat sy mond verby, en dit bring spanning tussen die jong verliefdes.
Thu, 27 Feb 2025 04:30:00 +0200
Visstok en Engela is besig om haar nuwe tuin reg te ruk. Hulle ontdek ʼn vergete kabouterstandbeeldjie in die motorhuis, maar hulle planne daarmee word deur Betta kortgeknip.
Fri, 28 Feb 2025 04:30:00 +0200
Tannie Ouvrou kry ʼn verrassing toe Bobbi met ʼn groot rugsak by die losieshuis opdaag. Dit maak seer herinneringe wakker, maar dit troos ook. Mauritz kry kosbare raad by Tannie Ouvrou, want hy’s in ʼn moeilike situasie.
Mon, 03 Mar 2025 04:30:00 +0200
ʼn Heerlike middag op die strand vir Nicolien en Mauritz word deur ʼn onwelkome gas onderbreek. Nicolien moet haar soektog na haar biologiese pa verskerp om sy mediese rekords te kry. Visstok werf mense vir ʼn baie belangrike vergadering.
Tue, 04 Mar 2025 04:30:00 +0200
Dis duidelik Dylan steek dinge weg vir Bobbi toe sy hom in die hospitaal besoek. Bobbi het nuus vir Dylan oor veranderinge in haar lewe wat ook sy lewe gaan raak. Sy raas met hom oor sy vriende, en haar besoek eindig glad nie goed nie.
Wed, 05 Mar 2025 04:30:00 +0200
Engela vra Willie om verskoning vir haar gedrag. Is Jack se aanbod aan haar om by Die Seekat te kom werk iets van die verlede? Tannie Ouvrou gee inligting vir Willie oor Dylan en die verdagte sigaretstompies en besoeker.
Thu, 06 Mar 2025 04:30:00 +0200
Die Afrikaans 100-vergadering by Engela lewer interessante dinge op. Oom Fred is terug in die dorp ná sy geheime Kaapse besoek. Visstok is gespanne oor sy ma se siekte. Dan lui sy selfoon, en hy verlaat die vergadering.
Fri, 07 Mar 2025 04:30:00 +0200
Mauritz kry ʼn e-pos wat sy lewe en Nicolien se lewens omkeer. Is dit die einde van hulle liefde? Dylan bel Tannie Ouvrou met ʼn versoek wat sy nie kan weier nie, maar dis iets wat haar vorentoe baie besig gaan hou.
Mon, 10 Mar 2025 04:30:00 +0200
Sedert Mauritz se vertrek na die Kaap, waai die noordwester asof die wind self omgekrap is oor die Strandloper wat weg is. Is Mauritz se vertrek die einde van die verhouding tussen hom en Nicolien, of is dit die begin van ʼn nuwe era in Bloubaai?
Tue, 11 Mar 2025 04:30:00 +0200
Oom Fred gee vir Engela kosbare raad. Jack de Wet versterk sy pogings om Engela terug te lok na Die Seekat-restaurant. Betta verras Oom Fred op ʼn ongemaklike plek en tyd.
Wed, 12 Mar 2025 04:30:00 +0200
Dylan werk hard aan die vooruitsig om met die Afrikaans Amptelik 100-kompetisie roem te verwerf. Tannie Ouvrou waarsku dat hy so gou as moontlik die waarheid aan kaptein Van Niekerk moet vertel omtrent die aanslag op sy lewe.
Thu, 13 Mar 2025 04:30:00 +0200
Oom Fred het sy hande vol terwyl hy instaan by Dylans. Dylan is kaatjie van die baan terwyl hy aansterk ná die skietvoorval wat hom amper sy lewe gekos het. Hy dink hy kan Stefan ompraat om by Dylans te begin werk. Oom Fred weet van beter. Stefan het egter belangriker sake om afgehandel te kry.
Fri, 14 Mar 2025 04:30:00 +0200
Stefan sit Jack de Wet op sy plek, terwyl Tannie Ouvrou vir Jack nader oor die Afrikaans Amptelik 100-kompetisie en die bekendstelling van die wendorp. Is Stefan besig om ʼn lokval vir Jack te stel, of gaan Jack vir Stefan as ʼn handlanger werf?
Mon, 17 Mar 2025 04:30:00 +0200
Engela probeer om fondse vir die toerismekantoor te werf, toe Jack de Wet haar nader met ʼn aanbod wat sy van die hand wys. Sal Jack daarin slaag om Engela terug te lok na Die Seekat toe? Of wil hy haar vernietig omdat sy vir hom nee gesê het?
Tue, 18 Mar 2025 04:30:00 +0200
Die strand van Bloubaai begin die littekens van die slegte weer toon. Nicolien sit met Stefan vas toe hy nie na haar wil luister nie. Stefan wonder hoekom Nicolien destyds nie saam met hom wou gaan duik het nie.
Wed, 19 Mar 2025 04:30:00 +0200
Die groot aand breek aan vir die aankondiging van die wendorp van die Afrikaans Amptelik 100-kompetisie. Daar’s groot verwagtinge waar almal voor die televisie by Die Seekat bymekaar is. Maar iemand saboteer die verrigtinge.
Thu, 20 Mar 2025 04:30:00 +0200
Bloubaai rou ná die uitslag van die Afrikaans Amptelik 100-kompetisie. Tannie Ouvrou weier om Jack met ʼn versoek te nader. Sy is nog steeds kwaad vir Oom Fred wat haar nie in sy vertroue geneem het nie. Is dit die einde van hulle jare lange vriendskap?
Fri, 21 Mar 2025 04:30:00 +0200
Nicolien mis Mauritz terwyl Stefan tot haar redding snel. Stefan wonder of Nicolien hom sal help met ʼn gevaarlike ondersoek, maar Nicolien besef dat sy haar eie missie het om na te streef en dit het niks met Mauritz te doen nie.
Mon, 24 Feb 2025 04:30:00 +0200
Engela sukkel om die pot aan die kook te hou, nadat die fooie van die kleuterskool skielik onverklaarbaar verhoog is. Tannie Ouvrou is steeds die josie in vir Oom Fred oor hy haar nie in sy vertroue geneem het nie. Sy voel skuldig oor sy Engela se verhouding met Willie benadeel het.
Tue, 25 Mar 2025 04:30:00 +0200
Nicolien se soektog na haar pa word belemmer, terwyl sy Engela stof tot nadenke gee met haar voorneme om nie vir Jack de Wet te werk nie. Engela neem ʼn drastiese besluit.
Wed, 26 Mar 2025 04:30:00 +0200
Tannie Ouvrou het haar hande vol met Dylan en die spook van kamer 9. Hoekom reageer Dylan so heftig op die nuus dat vyf stropers gevang is? Jack de Wet gee Dylan ʼn spesiale opdrag.
Thu, 27 Mar 2025 04:30:00 +0200
Dylan is terug op sy pos en word verras deur Nicolien wat per toeval iemand op die strand sien wie se optrede verdag en gevaarlik lyk. Sy besluit om dit op te volg, en Stefan beland letterlik in haar pad.
Fri, 28 Mar 2025 04:30:00 +0200
Die artikel wat Jack de Wet laat skryf het vir die Afrikaans Amptelik 100-veldtog haal die nuus. Stefan word ore aangesit deur Jack de Wet, terwyl Tannie Ouvrou uiteindelik hoor aan wie die vingerafdrukke behoort wat in die parkeerarea gevind is die dag toe Dylan geskiet is.
Mon, 31 Mar 2025 07:41:00 +0200
Nicolien stort haar hart in haar dagboek uit oor die nuwe verwikkelinge tussen haar en Stefan. Moet sy Mauritz hiervan vertel of nie? Willie deel belangrike inligting oor die stropers met Engela. Is die ou vonk tussen hulle terug?
Tue, 01 Apr 2025 04:30:00 +0200
Sal Tannie Ouvrou Dylan nog ʼn maal vergewe? Hy is opgewonde oor die openbare reaksie op die tweede artikel oor die Afrikaans 100-fees. Sy aanhang groei, en hy hoop om ʼn internetsensasie te word. Sy ma bel, en Dylan dreig om flou te word.
Wed, 02 Apr 2025 04:30:00 +0200
Willie en Visstok loop mekaar raak en gesels tussen die lyne oor die vrou wat albei se hartsnare roer. Ongelukkig vir hulle is dit dieselfde vrou. Willie probeer stilweg raad gee, maar Visstok glo hy ken die pad na Engela se hart.
Thu, 03 Apr 2025 04:30:00 +0200
Oom Fred probeer om Tannie Ouvrou se hart te versag deur haar kombuisdeur reg te maak. Dylan spog met sy sosiale media wat van hom ʼn sensasie gaan maak. Maar dan kry hy ʼn foto wat hom en Oom Fred skok.
Fri, 04 Apr 2025 04:30:00 +0200
Visstok en Willie besef hulle het vergeet om Engela na die bring-en-braai-kompetisie te nooi. Sal die twee oop kaarte speel met haar oor die wedywering om haar hand?
Mon, 07 Apr 2025 04:30:00 +0200
Visstok het ʼn droom van Ma Hannie gehad wat hom bekommer. Willie probeer sy bes om Visstok te help met goeie finansiële raad. Engela sien uit na die fotosessie van haar nuwe kookboek – tót die fotograaf opdaag.
Tue, 08 Apr 2025 04:30:00 +0200
Tannie Ouvrou probeer vergeefs dat die onlangse gebeure op Bloubaai haar nie swartgallig maak nie. Betta bel met nuus wat Tannie Ouvrou op die oorlogspad sit.
Wed, 09 Apr 2025 04:30:00 +0200
Willie probeer vrede maak tussen Tannie Ouvrou en Dylan toe sy met ʼn sweep by Dylans opdaag. Sal Dylan die kans kry om sy leuens reg te stel?
Thu, 10 Apr 2025 04:30:00 +0200
Engela en Nicolien se oggenddraffie word onderbreek deur ʼn grusame vonds. Tannie Ouvrou probeer Dylan ompraat om nie Willie se aanbod te aanvaar nie.
Fri, 11 Apr 2025 04:30:00 +0200
Die onlangse gebeure op Bloubaai spook by Engela, en sy wend haar tot Jack met ʼn plan om ʼn einde te maak aan die misdaad. Tannie Ouvrou besluit om met iemand te praat oor die aanbod wat Willie aan Dylan gemaak het.
Mon, 14 Apr 2025 04:30:00 +0200
Oom Fred se plan om met Willie oor Dylan te gaan praat word deur Betta onderskep. Nicolien ontvang ʼn onverwagse besoek.
Tue, 15 Apr 2025 04:30:00 +0200
Oom Fred is in ʼn toestand met die herinnering aan die nag op see wat ʼn einde gemaak het aan sy seeloopbaan. Dylan besef hy staan met sy rug teen die muur wat sy toekoms betref.
Wed, 16 Apr 2025 04:30:00 +0200
Oom Fred vertel nie vir Tannie Ouvrou van sy gesprek met Dylan nie. Wanneer sy egter onraad bemerk, besluit hy om die saak te ontlont en haar liewer te sê wie elke jaar vir hom blomme stuur op sy verjaarsdag. Nicolien soek Jack op om ʼn guns te vra.
Thu, 17 Apr 2025 04:30:00 +0200
Jack nader Engela met ʼn versoek wat haar laat afsien van haar plan om ʼn sopkombuis te begin. Engela begin al hoe meer van Jack hou. Jack vertel vir Nicolien wie haar pa is.
Fri, 18 Apr 2025 04:30:00 +0200
Nicolien sien baie uit na Mauritz se eerste kuier. Dylan klop nauurs aan Nicolien se deur met ʼn ongewone versoek. Nicolien kan die nuus wat Jack haar vertel nie langer geheim hou nie.
Mon, 21 Apr 2025 10:58:00 +0200
Groot opgewondenheid heers op Bloubaai met nuus oor die Afrikaans 100-fees. Visstok kry ʼn spesiale opdrag, en Engela doen iets wat hom hoop gee om haar guns te wen.
Tue, 22 Apr 2025 04:30:00 +0200
Tannie Ouvrou vertrek op kort kennisgewing uit Bloubaai en vra vir Betta om vir haar by Son en See in te staan. Betta sien dit as haar geleentheid om die losieshuis reg te ruk, en dit lei tot moleste met Oom Fred.
Wed, 23 Apr 2025 04:30:00 +0200
Willie raak bekommerd oor dinge wat die perlemoen bedreig – en dit is nie net die stropers nie. Engela probeer hom opbeur. Sal Willie die moed bymekaarskraap om vir Engela se liefde te veg?
Thu, 24 Apr 2025 04:30:00 +0200
Stefan spot Nicolien met haar voorbereiding vir Mauritz se volgende kuier op Bloubaai. Voorbereidings vir die Afrikaans 100-feesprogram kry momentum … Dis ʼn wedloop teen tyd, vol uitdagings.
Fri, 25 Apr 2025 04:30:00 +0200
Jack hoop om munt te slaan uit die Afrikaans 100-feesvieringe en sit buitengewone druk op Engela. Sy besef daar’s meer maatskaplike probleme in Bloubaai as net die perlemoenstropery.
Mon, 28 Apr 2025 04:30:00 +0200
Die nadraai van Jack en Engela se jaagtog na die hospitaal lei tot ʼn verrassende insig in wie en wat Jack de Wet is. Hy moet sy toevlug neem tot pille vir ʼn ou siekte wat weer kop uitsteek.
Tue, 29 Apr 2025 04:30:00 +0200
Die Bloubaaiers is onder groot druk met voorbereidings vir die Afrikaans 100-feesprogram. Nicolien sukkel om haar teleurstelling oor Mauritz te verwerk. Hoekom het Jack ʼn sagte plek vir Nicolien ontwikkel?
Wed, 30 Apr 2025 04:30:00 +0200
Oom Fred is bekommerd oor Boesman wat soek geraak het – met rede. Jack moedig Stefan aan om die fees te gebruik om nader aan Nicolien te kom. Sal Stefan in sy goeie vriend, Mauritz, se slaai krap?
Thu, 01 May 2025 04:30:00 +0200
Stefan bied aan om Nicolien te help met die verfilming van ʼn TikTok-video van Visstok wat die dorp se walvisvlot vir die fees maak. Daar is besliste verskille in die twee se artistieke benadering, en hulle sit gou-gou vas.
Fri, 02 May 2025 04:30:00 +0200
Willie vrees dat Dylan nie besef hoe gevaarlik die opdrag is wat Kaptein Van Niekerk hom gegee het nie. Dylan se fokus is al hoe meer op sy aanhangers op sosiale media. Gaan hy sy rieme styfloop met die stropers?
Mon, 05 May 2025 04:30:00 +0200
Nicolien en Engela se opgewondenheid vir die fees neem toe soos hulle aan die kostuums vir die optog werk. Willie twyfel al hoe meer in homself, en sy depressie neem toe.
Tue, 06 May 2025 04:30:00 +0200
Jack is opgewonde oor sy idee om ʼn tydelike restaurant op die strand oop te maak vir die Afrikaans 100-feesgangers. Willie begin sy instink vertrou en vra Jack ongemaklike vrae. Die vriendskap tussen Willie en Visstok kry ʼn nuwe dimensie.
Wed, 07 May 2025 04:30:00 +0200
Eindelik breek die groot dag aan: Die feesvieringe begin vir die Afrikaans Amptelik 100-verjaarsdag. Dit skop af met Jack se groot pretwedloop, maar dinge loop skeef toe Dylan nie by die wedloop opdaag nie.
Thu, 08 May 2025 04:30:00 +0200
Fred se nagmerrie oor Boesman is ontstellend, en hy nader Willie om hulp. Dylan en Stefan stel ondersoek in by die huis van ʼn stroper … met ʼn verrassende resultaat.
Fri, 09 May 2025 04:30:00 +0200
Dis die dag van die groot feesoptog in Bloubaai. Tussen die pret en plesier is daar ʼn yslike verrassing vir Oom Fred. Dylan veroorsaak konsternasie … en dinge is aan die gebeur tussen Stefan en Nicolien.
Mon, 12 May 2025 04:30:00 +0200
Tannie Ouvrou se terugkeer na Bloubaai vang Oom Fred heeltemal onkant, maar Nicolien is buite haarself van blydskap en baie dorpsnuus word uitgeruil. In die proses maak sy ʼn ontstellende ontdekking oor Oom Fred.
Tue, 13 May 2025 04:30:00 +0200
Bobbi sien hoe die verhouding tussen Nicolien en Stefan by die hawe blom. Willie deel die toekomsplanne wat hy en Oom Fred vir Dylans het met Bobbi en sy is geskok. Dylan se televisieloopbaan skop af.
Wed, 14 May 2025 04:30:00 +0200
Stefan se nieamptelike feesvideo oorrompel Engela. Sy kry boonop ʼn gratis les oor bloublasies van hom en Willie. Om dankie te sê nooi sy hulle uit na ʼn unieke kosdemonstrasie, maar net een van die manne sien hiervoor kans.
Thu, 15 May 2025 04:30:00 +0200
Engela leer Willie suurvytjiekonfyt kook, maar sake vlot nie heeltemal nie, want Jack en sy planne met haar nuwe resepteboek se bekendstelling ontstel hom. Die kookles het tog ʼn verrassende einde vir Willie.
Fri, 16 May 2025 04:30:00 +0200
Oom Fred word verras met ʼn partytjie – al is sy verjaarsdag verby. Sy grootste geskenk kom van Betta, en dit laat Tannie Ouvrou flou val van ontsteltenis. Nicolien en Mauritz se verhouding hervat op ʼn onseker noot.
Mon, 19 May 2025 04:30:00 +0200
Mauritz se kuier in Bloubaai laat die kollig weer val op verhoudings: Hy en Stefan sorteer “beste vriend”-dinge uit, en dit lyk of die liefde tussen hom en Nicolien tog nie so erg geroes het nie.
Tue, 20 May 2025 04:30:00 +0200
Tannie Ouvrou ontdek ʼn skokkende ding op die Skuitpad wat in haar afwesigheid gebeur het. Tye is aan die verander, ook by Dylans wat in die mark is. Bobbi en Tannie Ouvrou skinder oor Dylan se skreeusnaakse TV-ervarings.
Wed, 21 May 2025 04:30:00 +0200
Mauritz sien met Stefan se feesvideo wat hy als misgeloop het in Bloubaai en watter goeie akteurs Oom Fred en Engela was. Hy kry raad oor langafstandverhoudings by die ervare Oom Fred.
Thu, 22 May 2025 04:30:00 +0200
Willie en Stefan deel belangrike inligting met mekaar oor tergende geheime in Bloubaai. Nicolien en Mauritz se dag eindig met ʼn ete by kerslig en ʼn vraag wat albei diep laat dink.
Fri, 23 May 2025 04:30:00 +0200
Die fliek Fiddler on the Roof gee vir Betta ʼn uitstekende plan om die liefdesvonk tussen Nicolien en Mauritz aan te blaas. Sy en Tannie Ouvrou klink selfs ʼn glasie op die liefde, maar is dit voortydig, of gaan die plan werk?
Mon, 26 May 2025 04:30:00 +0200
Engela kom op ʼn praktiese manier agter hoe sleg oliebesoedeling op die strand is. Volgens Bobbi is Dylan ontnugter met die televisielewe. Maar sal hy kan terugkom, met Dylans in die mark en Jack wat sy oog op die plek het?
Tue, 27 May 2025 04:30:00 +0200
Die boeteblik wat Betta ingestel het by Son en See is ʼn groot besprekingspunt tussen Tannie Ouvrou en Oom Fred. Ná al die jare stoei Tannie Ouvrou met ʼn groot vraag wat sy destyds nooit gevra het nie.
Wed, 28 May 2025 04:30:00 +0200
Bobbi se laaste kuierdag word gevier met Viskopsop en vars brood. Die kookles word ʼn groot kuier rondom die potte met Engela, Tannie Ouvrou, die befaamde Julia Child en Betta – wat skielik vertrek toe die deksel gelig word.
Thu, 29 May 2025 04:30:00 +0200
Stefan trek waardevolle inligting uit Oom Fred oor ene Lewies Deventer op wie se spoor hy is. Ook Willie se inligting oor die man interesseer hom. Engela deel iets oor Jack wat sy per toeval gehoor het, wat groot agterdog wek.
Fri, 30 May 2025 04:30:00 +0200
Nicolien het ʼn onwelkome, lastige gas in haar buitelugklas by die hawe, maar die leerlinge is mal oor hom. Nicolien en Mauritz se laaste kuierdag saam is soos van ouds. Sy sorg vir ʼn uitklophou met haar laaste vraag aan hom.
Mon, 02 Jun 2025 09:30:00 +0200
Oom Fred word verras deur die nuwe loseerder by die Son en See. Hy en Willie se geskeduleerde vergadering ontaard in verrassing op verrassing.
Tue, 03 Jun 2025 07:32:00 +0200
Stefan se ontmoeting met die nuwe loseerder van die losieshuis oortref sy stoutste verwagtinge. ʼn Diep duik van Stefan lewer ʼn vonds op wat hom en Willie onkant vang.
Wed, 04 Jun 2025 04:30:00 +0200
Willie en Stefan moet planne beraam ná die skokontdekking by die wrak van die Santa Maria. Dylan is terug in Bloubaai, en die poppe dans toe hy uitvind dat die koffiekiosk, Dylans, in die mark is.
Thu, 05 Jun 2025 04:30:00 +0200
Engela is oorstelp van blydskap oor ʼn besonderse pakkie wat aankom … en bieg oor ʼn hartsaak teenoor Tannie Ouvrou. Jack verras Engela met sjampanje en vier ʼn besonderse geleentheid saam met haar.
Fri, 06 Jun 2025 04:30:00 +0200
Die nuwe loseerder, Estelle, kry waardevolle inligting by Oom Fred oor die dorp en sy mense. Estelle word nie geïntimideer deur Jack se boelietaktiek nie.
Mon, 09 Jun 2025 04:30:00 +0200
Engela en Stefan troef mekaar se kennis oor jellievisse op die strand. Dylan soek dringend hulp by sy agent, Engela, vir sy onderhoud met Estelle, die nuwe sakevrou op die dorp.
Tue, 10 Jun 2025 04:30:00 +0200
Tannie Ouvrou en Betta val weg met voorbereidings vir Engela se groot boekbekendstelling. Oom Fred se ongeduld bring hom in die moeilikheid by die twee formidabele vroue.
Wed, 11 Jun 2025 04:30:00 +0200
Bloubaai word getref deur een van die grootste rampe nóg met donker rookwolke wat oor die hawe hang. Die nuwe sakevrou, Estelle, skok almal met haar heldedaad.
Thu, 12 Jun 2025 04:30:00 +0200
Stefan se opvolgduik na die wrak van die Santa Maria lewer nuwe inligting op. Willie besoek Engela in die hospitaal ná die ramp. Is daar meer as ʼn saketransaksie aan die gang tussen Willie en Estelle?
Fri, 13 Jun 2025 04:30:00 +0200
Tannie Ouvrou waarsku Estelle oor Jack se manier van sake doen en berei haar voor op die ontmoeting met Dylan … Die onderhoud oortref albei se verwagtinge.
Mon, 16 Jun 2025 04:30:00 +0200
Engela kry ʼn onverwagse besoek van Jack by die hospitaal, en hy verras haar met ʼn spesiale geskenk én reëlings oor haar boekbekendstelling. By Jack se hotel kry Engela ʼn skok wat haar in trane laat.
Tue, 17 Jun 2025 04:30:00 +0200
Jack rig laataand per telefoon ʼn vreemde en dringende versoek aan Engela. Tannie Ouvrou maak ʼn afspraak met Jack oor ʼn saak wat swaar op haar hart lê, maar dit eindig in ontnugtering en teleurstelling.
Wed, 18 Jun 2025 04:30:00 +0200
Oom Fred hoor ontstellende nuus van Stefan ná sy jongste duik. Die geheime rondom die vonds by die wrak van die Santa Maria begin vir Stefan sin maak. Dylan gee waardevolle inligting aan Oom Fred ná sy besoek aan Sun City.
Thu, 19 Jun 2025 04:30:00 +0200
Betta is verstom oor die dinge wat Oom Fred op die strand aan haar uitwys. Op sy beurt is Oom Fred verbaas oor die dinge wat Betta hom vertel oor die dorp se vliegveld.
Fri, 20 Jun 2025 04:30:00 +0200
Tannie Ouvrou en Betta is onder groot druk met die spyseniering van Engela se groot boekbekendstelling. Dylan daag op met skokkende en hartseer nuus wat hul planne heeltemal omvergooi.
Mon, 23 Jun 2025 08:13:00 +0200
Die dorp gons oor wie die nuwe eienaar van DYLANS gaan wees. Tannie Ouvrou en Betta is onder groot druk met hulle spysenieringsopdragte: twee groot funksies op een dag! Nicolien kry skokkende nuus van Tannie Ouvrou.
Tue, 24 Jun 2025 04:30:00 +0200
Nicolien is nog in skok oor die nuus wat sy gekry het oor haar biologiese pa. Sy het baie vrae, maar met wie kan sy daaroor praat? Stefan verras haar met sy Harley, en dit word ʼn middag wat Nicolien lank sal onthou.
Wed, 25 Jun 2025 04:30:00 +0200
Dylan gee vir Oom Fred belangrike inligting oor Shorty en Pikkewyn ná sy besoek aan Sun City die vorige aand. Hy is uitstekend ingelig – hy weet selfs wie die nuwe eienaar van DYLANS is. Betta bel met die jongste nuus oor gebeure by die vliegveld.
Thu, 26 Jun 2025 04:30:00 +0200
Visstok ondergaan ʼn gedaanteverwisseling. Hy wil Engela ʼn groot vraag vra en maak ʼn spesiale afspraak daarvoor, maar daar is ʼn misverstand. Die groot vraag van lank gelede bly steeds tussen hulle hang.
Fri, 27 Jun 2025 04:30:00 +0200
Dis begrafnistyd op Melkhoutfontein, en die inwoners en Bloubaaiers bring hulde aan ʼn geliefde karakter in ʼn roerende seremonie. Buite die kerk gee Willie vir Engela nuus oor sy planne vorentoe wat haar skok en teleurstel.
Mon, 30 Jun 2025 04:30:00 +0200
Engela se boekbekendstelling verloop nie sonder drama nie: Oom Fred kry ʼn besering, maar Jack de Wet sorg vir die grootste drama en die funksie loop die gevaar om in duie te stort. Dylan kom tot die redding.
Tue, 01 Jul 2025 04:30:00 +0200
Stefan kry belangrike inligting by Visstok oor Lewies Deventer wat sy ondersoek na die dood van Mauritz se pa aanhelp. Uit Nicolien se dagboek blyk dit daar’s meer vrae as antwoorde oor haar biologiese pa. Hoekom lieg Oom Jack vir haar?
Wed, 02 Jul 2025 04:30:00 +0200
Met Stefan se diep duik na die Santa Maria-wrak wag daar ʼn verrassing op hom wat dinge op land aan die beweeg sit. Met sy besoek aan ʼn sekere Oom Eric hoor hy ontstellende nuus oor Mauritz se pa se laaste duik.
Thu, 03 Jul 2025 04:30:00 +0200
Oom Fred en Tannie Ouvrou spekuleer opnuut oor die oorsaak van die dood van Mauritz se pa, asook die jongste nuus van Stefan. Maar daar’s niemand wat soveel nuus het as Tant Betta, die Bostelefoon, nie. Sy verras Tannie Ouvrou met drie onthullings.
Fri, 04 Jul 2025 04:30:00 +0200
Waarheen jaag Nicolien op haar bromponie met Stefan wat agterop sit? Die skooljuffrou dink sy gaan Stefan verras met ʼn vonds op die strand, maar dis hy wat haar verras met sy toekomsplanne.
Mon, 07 Jul 2025 04:30:00 +0200
Engela en Visstok se gesellige braaivleis word deur Willie onderbreek … en Visstok moet dringend vertrek. Willie het nuus vir Engela oor sy toekoms wat haar sprakeloos laat.
Tue, 08 Jul 2025 04:30:00 +0200
Tannie Ouvrou is verstom oor die nuus wat Tant Betta oor Willie het. Engela moet vir Tannie Ouvrou ʼn baie ongemaklike opdrag namens Jack gee. Oom Fred verloor sy humeur oor Jack se optrede en hy maak ʼn onrusbarende voorspelling.
Wed, 09 Jul 2025 04:30:00 +0200
Tant Betta gee vir Dylan bestuurslesse op die verlate vliegveld. Sy gebruik die kans om meer van Estelle se doen en late te probeer uitvind. Gebeur daar meer dinge by die vliegveld as net bestuursklasse? Het dit iets te doen met Jack se helikopter waarvan sy en Dylan in die pad is?
Thu, 10 Jul 2025 04:30:00 +0200
Die stootskrapers is aan die werk by die hawe en ʼn deel van die ou Bloubaai verdwyn. Die dorpenaars probeer ʼn plan van aksie bymekaarsit vir ʼn ontstellende voorstel wat op die owerhede se tafel is. Stefan het nuwe planne rondom die wrak wat hy dophou.
Fri, 11 Jul 2025 04:30:00 +0200
Nicolien draf Stefan by die hawe raak en hy gee haar ʼn meesterklas in die skuiwe wat hy, Willie en kaptein Van Niekerk die afgelope paar dae rondom die wrak en Jack se helikopter gemaak het. Stefan is nie verniet ʼn baie goeie skaakspeler nie.
Mon, 14 Jul 2025 04:30:00 +0200
Tannie Ouvrou kry die skok van haar lewe toe ʼn onverwagte besoeker by die Son en See opdaag. So amper bederf Tant Betta ʼn groot verrassing vir Nicolien, wie se lewe dramaties verander toe die losieshuis se spensdeur oopgaan.
Tue, 15 Jul 2025 04:30:00 +0200
Daar’s ʼn groot viering by Engela se huis en Visstok ontpop in ʼn ster. Tannie Ouvrou en Willie deel in die viering, en net toe dit lyk of dinge nie beter kan gaan nie, lui Engela se selfoon met ontstellende nuus.
Wed, 16 Jul 2025 04:30:00 +0200
Nicolien en Mauritz se besoek aan die strand herinner hulle aan vorige gelukkige tye saam. Nicolien kry ʼn oproep van Stefan met ʼn ongemaklike vraag. Toe sy Mauritz daaroor konfronteer, skok sy antwoord haar.
Thu, 17 Jul 2025 04:30:00 +0200
Oom Fred kry ʼn les in Afrikaaps by Dylan, en daar’s nog meer wat hom verras by die nuwe DYLANS. Willie bring ʼn geskenk wat Dylan se hart laat bokspring. Die nuus oor Jack se helikopter en die geheime besendings neem nuwe afmetings aan.
Fri, 18 Jul 2025 04:30:00 +0200
Visstok probeer by Engela uitvind oor die jongste nuus oor Jack se verdwyning. Hy’s net betyds om haar uit ʼn moeilike situasie te red. Dan bring Willie skokkende nuus oor Jack vir Engela.
Mon, 21 Jul 2025 04:30:00 +0200
Tannie Ouvrou en Oom Fred doen wat die Bloubaaiers graag doen: om laatmiddag langs die strand te gaan stap, waar jy die jongste nuus kry. Dylan se vertonings by die koffiekiosk kry momentum, en die kliënte kry werklik “meer as net koffie” by DYLANS.
Tue, 22 Jul 2025 04:30:00 +0200
Nicolien se wekker lui donkernag vir die groot verrassing wat Mauritz haar belowe het. Dit blyk ʼn goeie een te wees wat haar stoutste verwagtings oortref. Daar is egter ʼn ding wat Nicolien pla en waaroor sy en Stefan lank gewonder het.
Wed, 23 Jul 2025 04:30:00 +0200
Oom Fred hou weer een van sy gesellige kabeljou-braaie en die aand lewer meer op as net lekker vis. Dylan vermaak almal met bokkomstories. Mauritz deel die nuus wat in Oom Eric se brief staan met Nicolien … en sy maak ʼn hartseer bekentenis aan hom.
Thu, 24 Jul 2025 04:30:00 +0200
Engela verstel Visstok se klere, wat sigbaar baie gewig verloor, toe Willie daar aankom met nuus oor Jack, wat haar grootste vrese bewaarheid. Tant Betta snuffel by Willie oor Estelle se planne, en sy gee vir Engela die beste nuus van die dag.
Fri, 25 Jul 2025 04:30:00 +0200
Bloubaai is in rep en roer, en die skokkende nuus van Jack trek ver en wyd. Tannie Ouvrou is druk besig met die kerkbasaar se reëlings, en sy word tot trane geroer toe Dylan en Oom Fred hulle skenkings bring.
Mon, 28 Jul 2025 04:30:00 +0200
Willie en Engela woon Visstok se danssessie by, en dis byna asof die goeie ou dae tussen hulle terug is. Visstok steek egter sy kleim met selfvertroue af, maar Engela laat hom vir die eerste keer in jare sprakeloos met haar vraag.
Tue, 29 Jul 2025 04:30:00 +0200
Dis Dylan se groot dag van sy eerste televisie-uitsending – ’n groot gebeurtenis vir die dorp. Engela probeer Dylan oortuig dat hulle meer bemarking vir hom en sy vertonings moet doen, maar hy oortuig haar met ʼn vinnige vertoning daar en dan.
Wed, 30 Jul 2025 04:30:00 +0200
Engela en Dylan skiet bemarkingsmateriaal vir TikTok by die hawe, en hy wys weer hoekom hy ʼn topkunstenaar is. Oom Fred kry ʼn besoek van Engela: Sy soek ʼn antwoord by hom oor ʼn groot vraag wat sy hom gevra het.
Thu, 31 Jul 2025 04:30:00 +0200
Willie besoek Tannie Ouvrou by die losieshuis en sy onskuldige vraag laat haar groot skrik. Hulle deel ʼn paar spesiale oomblikke. Nicolien probeer Mauritz beïndruk met ʼn ongelooflike, ware seestorie … maar dis Mauritz wat ʼn uitklophou aan die einde plant.
[Slot-episode] Strandloper 2 – Episode 120
Fri, 01 Aug 2025 04:30:00 +0200
In die slotepisode van die reeks maak Tannie Ouvrou haar spesiale seewierjellie en Oom Fred koop vonkelwyn, want daar’s ʼn groot viering in die Son en See vanaand. Nicolien is ontsteld oor die jongste onthullings, maar Mauritz sorg dat alles eindig met trane van blydskap.